موسى المظلوم ينظر يا يوم تخلص الهموم صبّح مسموم صبّح مسموم
راح اوما شاف اولاده والسّم ناجع بفّاده
موسى المظلوم موسى المظلوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
من عمره اسنين ما شاف النور وعيونه اتدور لجل المنحور لجل المنحور
عايش بالآه نيرانه اتفور بركان ايثور يذكر عاشور يذكر عاشور
سجن الظلّام للكاظم جور والركعه اتصير سيف اومشهور سيف اومشهور
بيهم ترهب سجداته والهم زاد ابآهاته
حيرانه الگوم حيرانه الگوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
محتاره الناس لاوين اتروح وتدور وين محبوب الروح محبوب الروح
تسأل چا وين يالكاظم وين يبن الطيبين حي لو مذبوح حي لو مذبوح
ينعاك البين يا ركن الدين زادت الجروح تنعاك اتنوح تنعاك اتنوح
كل قطرة دم بجسمك تصرخ من حرگة سمّك
وتفيض اهموم وتفيض اهموم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
جفنك سهران فكرك حيران مخطوف الوان لجل العطشان لجل العطشان
يالغالي شلون شخصك مسجون گلبك محزون ياعالي الشان ياعالي الشان
كل ساعه تفوت نتخيّل موت ننظر تابوت ويّه السجّان ويّه السجّان
يالكاظم يا سلوانه يمته انشوفك ويّانه
والعِشره اتدوم والعِشره اتدوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
يبن الأخيار تبچيك الدار وتريد اخبار عنّك اخبار عنّك أخبار
يالشوفك عيد صوتك تمجيد حيد ابن الحيد يبن المختار يبن المختار
يبن الأطياب يا ريح الهاب يا گمر وغاب عنِّ الأنظار عنِّ الأنظار
يمته نشوفك يالغالي يا روحي ويا دلّالي
وين ويا يوم وين ويا يوم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ها يا مولاي يا هوى يا ماي منّك محروم سمعي وعيناي سمعي وعيناي
أذكر دمعات منّك للطاس واذكر لوعات منَّك للراي منَّك للراي
تذكر عباس تذكر چفين تذكر لحسين ما ضاگ الماي ما ضاگ الماي
تذكر من ودّع زينب وعيونك گامت تلهب
تبچي امن ادموم تبچي امن ادموم
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أسمع صرخات أسمع لوعات والناس اتصيح آه او آهات آه او آهـات
ها يالتبچون ليش اتنوحون ليش اتلطمون ليش العبرات ليش العبرات
گالو هاليوم موسى المهضوم موسى المحروم يالتسأل مات يالتسأل مات
صارت عالكاظم لمَّه والايتام إجت يمّه
يالكاظم گوم يالكاظم گوم